Игор Џамбазов и Гуру Харе на втори ноември ќе одржат концерт во Торонто.
Шоуто ќе се одржи во салата на МПЦ „Св. Климент Охридски“ и е веќе распродадено.
Македонскиот актер и шоумен и неговиот најверен соработник и пријател веќе пристигнаа во Канада.
„Конечно стигнавме. Преку океанот. Еве сме со нашите домаќини. Со нив како да сме дома. Во сабота е концертот. Денес Гуру Харе си одбра гитара и појачало. Јас си купив ново укулеле. Утре ни е првата проба со бендот. Салата е распродадена. Тоа е народе. Се’ е под контрола. Само што ми фали Ферхунде. А по малку и вие.. Чувајте ми ја Македонија, барем до понеделник. Во вторник се враќам..“, напиша Џамбазов на „Инстаграм“.
Пред да замине в туѓина, Игор сними дует со поп-пејачката и харфистка Сара Мејс.
„Песната се вика ‘Ептен љубовна’, ја напиша Игор, ја снимивме пред неколку дена заедно со спот. Се надевам дека наскоро ќе излезе и ќе ѝ се допадне на публиката“, изјави Сара пред две недели.
