Илијевски по професија е стоматолог, но музиката отсекогаш му била втора љубов
Македонецот Трајче Илијевски блесна во последната епизода на шоуто „Никогаш не е доцна“. Покрај извонредно пеење, тој покажа и неверојатна енергија која, како што вели, се должи на неговата поубава половина.
„Од госпоѓата добивам позитивна енергија, но и по природа сум позитивна личност“, нагласи тој.
Неговата животна сопатничка Параскева Чатмова е поранешна министерка. Иако имале сосема различни патишта, судбината ги споила по долги години.
„Заедно одевме во средно училиште и потоа патиштата ни се разделија. Тој студираше медицина, а јас економија. Се немавме видено 30 години, во меѓувреме ми почина сопругот, но и неговата сопруга, па се’ се случи спонтано, убаво функционираме“, откри таа во студиото на „Гранд“ каде допатува како негова поддршка.
Трајче потоа со насмевка на лицето откри дека пее на четири различни јазици.
„Имам и свои песни, кантавтор сум на 15 балади. Пеам на грчки, англиски, српски и македонски“, нагласи Илијевски.
