Готвачот кој се прослави со своите кулинарски вештини во шоу на Канал 5 телевизија води страшна битка со ракот.
Антонио Јанковски повторно се огласи на социјалните мрежи барајќи помош од граѓаните. Неговото обраќање ви го пренесуваме во целост.
„Ова е резултатот кога канцерот и пневмонијата ќе се спојат, само коските остануваат. Во овие месец дена скоро повторно загубив килажа од што само ме шетаат од еден до друг доктор. Секој со свое мислење, а јас пропаѓам, веќе едвај дишам додека некој одлучи што со мене. Ако сте во можност, замолувам за некоја мала донација, зашто утрово отиде сè она што малку имав, а немам ни како да завршам сè што треба, па тоа е тоа. Ќе трпам додека оди, немам друг избор освен да молам вака со надеж дека ќе има хумани луѓе. Благодарам“, напиша тој на „Фејсбук“.
Ова е сметката на која можете да донирате.
Стопанска Банка
200004050431223
Јанковски пред неколку години проговори за ракот и за својата тешка животна приказна. Тогаш кажа дека по разделбата со сопругата, забележал израсток на телото, а подоцна ја добил страшната дијагноза.
