Многумина го споредуваа со холивудскиот заводник Ричард Гир и важеше за еден од најпосакуваните мажи во поранешна Југославија.
Станува збор за 59-годишниот хрватски театарски, телевизиски и филмски актер Ранко Зидариќ.
Во деведесеттите беше во брак со Саша Броз, внуката на Тито, со која ја има и ќерката Сара, а денес сопруга му е Ивана Ухлик со која ја доби и ќерката Зора.
Последните години Зидариќ, кој во 80-те глумеше и со Неда Арнериќ, ретко зборува во јавноста за неговите ангажмани во театарот и избегнува интервјуа.
Српските медиуми пишуваат дека денес е далеку од гламурозниот живот кој го практикуваше, а некои од нив информираат и дека едвај врзува крај со крај.
