Беше пејачка на легендарната група „Магазин“ од 1983 до 1990 година.
Со групата сними вкупно седум албуми, а хитовите од тоа време како „Коколо“, „Ти си жеља мог живота“ и „Три сам ти зиме шаптала име“ се’ уште се слушаат во поранешните ју-републики.
Лилјана Николовска се отсели од Југославија веднаш по излегувањето од бендот и денеска живее во Сан Педро, Калифорнија.
– Дури и кога заминав, првите три години куферите ми беа спакувани и подготвени да се вратам дома. Сепак, судбината сакаше да останам овде. Пронајдов бенд кој ми се допаѓа, се вљубив, станав мајка.. Задоволна сум и среќна – раскажа пејачката во едно интервју.
Признава дека единственото нешто што ѝ недостасува се нејзините фанови, но и некои драги луѓе со кои работела.
Се’ уште снима нови песни, но повеќе за душа, сосема неоптоварена за активно враќање на сцената. Води мирен живот, има голема градина и неколку миленици.
Николовска има еден неуспешен брак позади себе со фотографот Јадран Лазиќ. Во 1995 година таа се омажи со музичарот Пит Мазич со кого го имаат синот Тони.
