Елвир Мекиќ беше еден од најпопуларните пејачи кај нас. Со Јован Јованов беа неверојатен авторски тандем, секоја нивна песна преку ноќ стануваше хит, заеднички полнеа дискотеки и сали во златните времиња на македонската естрада.
Пред повеќе од една деценија Мекиќ неочекувано си замина од Скојпе и се пресели во Сараево.
Се ожени, а неговата избраничка која има сопствен бизнис е вистинска убавица. Двојката го има синот Дарис кој има 11 години.
Мекиќ денеска има 43 години. Пред две години за „Женски магазин“ откри дека работи во босанскиот главен град во преставништвото на една позната македонска винарија.
Минатиот месец пријатно ја изненади јавноста кога по подолго време сними нов музички материјал.
Станува збор за нумерата „Негде после два“ која ја сними во дует со младиот охриѓанец Пајак.
