Лепа Брена доживеа тешка повреда на синоќешниот концерт во Загреб.
Таа е итно оперирана.
Легендарната пејачка скршила нога, а организаторите на турнејата информираат дека последните два концерта во Загреб се одложени.
Брена моментално е во болница, а од менаџментот споделија детали за несреќата.
„За време на синоќешниот трет концерт на Лепа Брена во Загреб се случи несреќа поради која омилената регионална ѕвезда утрово го оперираше зглобот. Операцијата е успешно извршена и пејачката се чувствува добро. Несреќата се случила кога член на техничката екипа движејќи се наназад случајно паднал во денот на бината во кој во тоа време била и пејачката. Снимателот паднал директно на Брена и ја повредил. И покрај болката, таа уште еднаш покажа неверојатна професионалност и беспрекорно го изведе концертот до крај, понесена од еуфоријата на публиката и желбата да не ги разочара своите обожаватели. Овој храбар чин е само уште еден доказ за нејзината големина, посветеноста кон музика и љубовта кон фановите“, се вели во официјалното соопштение.
По препорака на лекар, неопходен е процес на опоравување, па најавените концерти кои требаше да се одржат денеска и на 16 декември се одложуваат.
