Младиот македонски пејач Александар Јосифовски, кому за влакно му избега победата во „Ѕвездите на Гранд“, во една прилика си ја отвори душата и призна дека имал сериозни проблеми со алкохолот.
„Не почнав да пијам поради некоја лична емотивна приказна и немав тежок живот. Едноставно ме понесе еуфоријата на радоста. Секогаш пиев кога сум бил весел. Имам екипа со која свирам по клубови и постојано пиевме за време на тие свирки. Така и се случи да излезам од колосек“, раскажа омилениот Сале.
„Сè започна во тинејџерските години, да се види, да се проба. Во светот на музиката, достапноста до него е насекаде. Главниот факт е дека алкохолот е легален. Сепак, некаде треба да се контролира. Мојата приказна е дека имав бенд како тинејџер, почнав да свирам музика на 15 години и не станав веднаш алкохоличар. Мене ми беше спонтана ситуацијата, отидов, свирев и така почнав.
Сакав алкохол, уживав, на крајот дојде до претерување. Не знам како се случи, но премногу ми се допадна, потоа следеше проблем. Сакам да кажам дека не пиев несреќен, пиев од среќа. Но, како и да е, премногу е вода за пиење, а камоли алкохол. Сè започна спонтано“, објасни тој.
Јосифовски посочи дека човек прво треба да си признае дека има проблем, а потоа и се присети на деновите поминати на клиника.
„Ѓорѓе Давид редовно ми доаѓаше во посета. Ги излажавме Саша Поповиќ и екипата на Гранд дека сме во Австралија, а јас бев на клиника“, призна македонскиот пејач.
