Десет дена полициските екипи засилено трагаат по 28-годишниот Миле Тодоров од Неготино.
Пред една недела беше пронајден неговиот мобилниот телефон покрај реката Луда Мара, но од момчето се’ уште нема ниту трага, ниту глас.
„Стотици прашања ни останаа неодговорени. Како, зошто, каде е, како може возрасен човек туку-така да исчезне, никој ништо да не види, да не знае.. Немаме никакви дојави, никој не го видел веќе цели девет дена. Се работи за млад живот, и ние нема да застанеме се додека не се најде брат ми. Нашето семејство минува низ претежок период, благодарни сме на целата јавност и на институциите за помошта и поддршката, а потрагата продолжува. Уште еднаш апелираме, доколку некој има било какви сознанија за случајот, да пријави во полиција“, раскажува сестрата на Миле за „Фокус“.
Тодоров бил вработен во приватна компанија во Кавадарци, каде дал отказ утрото пред да исчезне и потоа заминал во непознат правец. Миле бил и спортски судија. Два дена по исчезнувањето требало да суди на натпревар во кик-бокс.
