Во емисијата „Мамавизија“ на „Слободен печат“ гостинка беше познатата македонска водителка Зорица Николовска.
На пошироката јавност ѝ е најпозната по радиоемисијата „Тик Так и Зорка“, а е авторка и на „Дневникот на трудници“ и поткастот „Труднички муабети“.
„Прво станав маќеа, па мајка-мојот посинок посака братче!“, открива Николовска во оваа емисија.
Таа својот сопруг го запознала како разведен, татко на мало дете. Не ѝ пречела таквата релација, па љубовната врска по кратко време прераснала во брак. По извесно време, Иван посакал братче, па и покрај тоа што за Николовска и нејзиниот сопруг тоа било невозможна мисија, му ја исполнила желбата. Таа денеска е биолошка мајка на Мартин и Јана.
„За тоа дека маќеата не е секогаш лоша, како што е прикажана во многу приказни, ни покажува оваа вистинска животна приказна на семејството Николовски“, беше истакнато во најавата за емисијата.
