Кире Науновски од Свети Николе и во последната епизода на шоуто „Никогаш не е доцна“ покажа зошто е фаворит за победа.
Жирито и овојпат имаше само пофални зборови за неговата интерпретација, а очигледно најмногу му годеше комплиментот дека е на добар пат да го наследи легендарниот Маринко Роквиќ.
Како што истакна Саша Милошевиќ Маре, неговите настапи се едни од најозборуваните, па нема дилема дека така ќе биде и во четвртиот круг.
Песната „Данима те чекам“ беше неговиот избор за последната емисија, а веќе на првата строфа и публиката и жирито останаа без зборови.
„Многу моќно, цврсто, на свој начин, најтешката песна на Шабан која изобилува со украси, а ти преброди сè“, остана фасциниран Харис Џиновиќ од неговото пеење.
„Браво, Кире! Шабан имаше совршена дикција, а вие и во тој дел одговоривте вечерва, покрај пејачкиот дел“, додаде Драгана Катиќ.
Науновски три децении активно се занимава со музика. Првите посериозни чекори како пејач ги направил кога имал само 16 години. Тогаш почнал да пее на свадби и на други веселби.
Во секоја прилика нагласува дека најголемата поддршка ја добива од сопругата со која има две деца.
