Маја Кикириткова Трајковски се пожали дека несовесен возач ја удрил и избегал, па сега се соочува со последици по здравјето.
Модната дизајнерка која ужива голема популарност на „Инстаграм“ раскажа како се чувствува по немилиот настан.
„Правев магнетна резонанца, имам оштетување на некои пршлени. Морам да носам шанцова тврда кравата, примам терапија и верувајте навистина не е пријатно вака постојано да сум дома. Фала ви уште еднаш за секоја убава мисла, совет“, пишува, меѓу другото, Кикириткова на социјалните мрежи.
Таа открива дека веќе била на невролог и трауматолог и дека од ударот има диксус хернија на 5 и 6 пршлен.
„Одмарање 2-3 недели и потоа на физикална. Ако има некој со овој проблем, слободно може да сподели искуство“, порачува таа.
