Канцер на бели дробови е еден од најчестите и најтешки видови на карцином, а воочувањето на оваа малигна болест честопати е тешко поради незабележителни симптоми во раните фази на ракот.
Знаците на болеста имаат тенденција да се откриваат само кога ракот е веќе во развиена фаза. Еден од клучните симптоми на рак на белите дробови е отечените врвови на прстите.
Ракот на белите дробови предизвикува лачење на хемикалии и хормони кои го стимулираат посилниот проток на крв во прстите. Ова подоцна доведува до подебели или поголеми врвови на прстите, и сјајни и искривени нокти. Околу 80 проценти од луѓето кои се спротивставуваат на оваа болест имаат симптом на отечени прсти.
– Во раните фази на рак на белите дробови, обично нема симптоми што можете да ги видите или почувствувате – наведува веб-страницата „WebMD“. Симптомите на веќе напреднат карцином вклучуваат кашлица или болка во градите.
Симптоми на рак на белите дробови:
-Кашлица која не поминува или се влошува
-Кашлање крв
-Болка во градите
-Засипнатост
-Губење на апетит
-Необјаснето губење на тежината
-Отежнато дишење
-Чувство на замор или слабост
-Инфекции како што се бронхитис и пневмонија
-Отечените прсти можат да укажуваат на рак, но исто така и на инфекција на белите дробови или срцето.
Кожата околу ноктите може да изгледа сјајна или ноктите може да се закривуваат повеќе од вообичаено кога се гледаат од страна. Важно е да се обрне внимание на секој можен симптом, бидејќи ракот на белите дробови е еден од најтешките за лекување. Приближно еден од тројца пациенти живее максимум една година по дијагностицирањето, додека еден од 20 живее уште десет години.
