Невообичаена кражба се случила во продавница за играчки во Нови Сад. Имено, маж и жена ограбиле продавница во која, според сите проценки, немало никој.
Како што може да се види на видеото објавено на Инстаграм, средовечни маж и жена влегуваат во продавницата, се разделуваат, по што мажот без никакво размислување ги става играчките во чантата.
Жената потоа се враќа кај него и му покажува кои други работи да ги стави во торбата. Набргу потоа и двајцата ја напуштаат продавницата не сфаќајќи дека се’ е снимено на видео.
Снимката набрзо почна да се шири на социјалните мрежи, а граѓаните се бесни.
„Дали е ова можно? Без трошка срам одат низ цела продавница и ги земаат работите…“, „Овој не краде, овој само лесно си ја полни торбата“ се дел од коментарите.
Сепак, во низата гневни коментари, има и многу хумористични.
