Бојана Скендеровски имаше емотивен настап на последното издание на „Макфест“.
Популарната македонска пејачка по долго време го отпеа хитот „Немам одбрана“.
Со оваа песна во 2003-та триумфира на штипскиот фестивал и истата дефинитивно ѝ ја промени кариерата.
Композицијата е на Григор Копров, аранжманот на Хари Котларовси, но малкумина знаат дека стиховите ги напиша политичкиот аналитичар Агим Јонуз.
Бојана ја исполни токму на денот кога тој почина, во ревијалната вечер резервирана за поранешните макфестовски победници.
