Сузана Гавазова синоќа му беше прва гостинка на Марио Арангеловски во подкастот „Естраден лексикон“.
Познатата фолкерка беше прашана колку чини нејзиниот аутфит, а со одговорот не само што го изненади водителот, туку и оние што ја следат на социјалните мрежи.
Гавазова изјави дека гордо носи креација на македонската дизајнерка и претприемачка Елена Лука која, како што откри, чини 5.500 евра.
Се пофали дека 5.000 евра чинат и чизмите на Филип Плеин кои ги купила со сопругот на шопинг во Милано.
Очигледно најскапото парче го имаше на раката, часовник ролекс, кој само кажа дека ѝ е подарок од сопругот.
„Не знам колку чини, треба тој да каже“, изјави пејачката.
