Познатиот пејач лани сними нова песна со македонски автори.
Поранешниот член на групата „Сребрена крила“, кој инаку е роден во Струмица, ја претстави композицијата „У љубави смо краљеви и просјаци“. Автор на музиката е Григор Копров, а Владимир Дојчиновски го направи аранжманот. Стиховите се дело на Саша Драгиќ.
Освен со специфичниот глас, Владо Калембер ја освои публиката со својата харизма и атрактивниот изглед. Никогаш не сакаше да зборува за љубовниот живот, но секогаш креваше прашина во јавноста бидејќи жените тешко му одолеваа.
„Не секоја жена со која пијам кафе ми е девојка“, повторуваше постојано.
Сепак, познато е дека беше во едногодишна врска со Локица Стефановиќ, но нивната врска на далечина беше осудена на пропаст.
И кога медиумите го прогласија за вечен ерген, Калембер во 2006 година неочекувано се ожени со дури 30 години помладата виолончелистка Ана Руцнер, со која го има синот Даријан. По осум години брак тие се разделија, а се шпекулираше дека причина за разводот е неверство.
Поранешната сопруга на Калембер демантираше се’, а Владо остана во добри односи со неа.
„Има многу заблуди и предрасуди, а тоа што сум голем заводник е една од нив. Ако имав 22 врски, ќе испаднеше дека имам 222. Не се жалам, но тоа е на некој начин малку „напумпано“. Тоа беа такви времиња. Имаше чад, но не и оган“, изјави тој во една прилика.
