Драган Б. Костиќ минува низ најтешките животни моменти, ѝ откри на јавноста Петар Георгиевски-Камиказа, фронтменот на групата „Меморија“.
Во објава на социјалните мрежи тој пишува дека легендарнот македонски водител и диџеј „овие неколку месеци ја бие својата животна битка, да се биде или не“.
„Сполај му на бога, но и волјата за живот, овие денови се слушаме и се’ подобро звучи. Мислата му е бистра и на секое прашање одговара концизно и точно.. Кога раснеш покрај ваков великан, цел живот, радоста кога Бог му ја враќа животната енергија е неизмерна..
Имаме уште многу што да направиме и раскажеме заедно, затоа маестро ти посакувам што побрзо, целосно закрепнување и повторно беседење за се’ и сешто. Сполај ти боже што ни ги чуваш легендите“, пишува Георгиевски.
