Денеска е Митровден, е еден од најпочитуваните празници кај нас. Ден кога се полнат славските трпези и кога многумина слават именден.
Овој датум носи и богато народно наследство, пренесувано со генерации.
Меѓу најпознатите обичаи се издвојува едно непишано правило – на Митровден не се караат децата. Според народното верување, доколку родител го прекори или извика детето на овој ден, тоа ќе биде непослушно и тврдоглаво цела година. Затоа, на Митровден „на децата сè им се гледа низ прсти“. Иако денес тоа звучи како празноверие, суштината е многу подлабока – овој ден нè потсетува на топлина, разбирање и нежност, барем за еден ден во годината без прекори.
Друг обичај е претскажувањето според времето. Ако денес врне и студи, нè очекува долга и ладна зима со многу снег.
