Познатата македонска водителка и авторка на музичкиот магазин „Стисни плеј“ роди син.
Среќната вест на социјалните мрежи ја сподели нејзината колешка од МРТ, популарната пејачка Јана Бурческа.
„Добредојде, Лука“, напиша таа.
Јовановска ретко зборува за приватниот живот. Пред пет години во едно интервју откри дека е во среќна врска со музичкиот продуцент и диџеј Ангел Здравковски.
„Заедно пораснавме, се градевме и приватно и професионално. Секоја љубов е приказна за себе. За нашата можам да кажам дека е совршено надополнување, во кое секој има доволно слобода да биде свој и да не се претопи во другиот. Ние секој ден посветуваме многу грижа и внимание еден на друг. Нашата поединечна среќа, а со тоа и заедничката, е главен приоритет“, раскажа водителката тогаш.
