Во декември е закажана премиерата на документарниот филм „К15: Од другата страна“ во кој, барем според најавите на социјалните мрежи, би требало да дознаеме досега непознати детали од животот на тројцата главни херои-Бранко Огњановски, Љупчо Бубо Каров и Васко Тодоров.
Тодоров, кој се прослави како Тошо Малерот, меѓу другото, отворено зборува и за годините што ги помина од другата страна на светот.
„Во Австралија отидов на 50 години. Работев свашта, во фабрики, во магацини..“, вели Тодоров во најавата за филмот објавена на официјалниот инстаграм-профил на „К-15“.
Документарецот е во продукција на БД Група и Гуд Муд медиа, директор на фотографија е Илија Жоговски, а режијата и сценариото се на Илија Ико Каров.
