Почина македонскиот клавијатурист Миле Спасевски.
Колеги и пријатели се простуваат од познатиот музичар на социјалните мрежи.
Се огласи и пејачката Јасмина Гуњова.
„Почивај во мир, драг колега“, напиша таа под фотографијата од нивен заеднички настап што ја објави на „Фејсбук“.
„За жал, не’ напушти Миле Спасевски, еден од најдобрите музичари од нашиот крај, човек кој со својата харизма и талент ги испишуваше најубавите музички моменти што ќе ги паметиме долго. Неговата музика ќе продолжи да живее меѓу нас, во секоја свеченост, во секоја песна што ја остави зад себе и во спомените на сите кои имаа чест да го слушнат и да го познаваат“, објавија администраторите на фејсбук-страницата „Делчево денес“.
