Марија Груевска, македонската финалистка во шоуто „Ѕвездите на Гранд“, е итно оперирана во Минхен.
Се чувствува добро, а сега конечно откри што точно се случило.
„Ми вадеа вени, една главна и повеќе споредни. Главната вена беше нефункционална, не ја пумпаше крвта и не смееше така да остане, па мораа да ја отстранат. Имам 18 резови, но помина“, открива пејачката за „Гранд онлајн“.
Груевска вели дека престојот во болница ѝ го олеснило и пријатно изненадување – поголемиот дел од медицинскиот персонал бил од Србија.
„Целиот тим, освен главниот доктор, беа Срби. Сите ги следат „Ѕвездите на Гранд“, па заедно се смеевме и по операцијата испеавме неколку песни. Фала му на Бога, подобро сум. Добро е што постои лек и начин оваа состојба да се санира“, вели Марија.
Груевска беше една од најоригиналните натпреварувачки во „Ѕвездите на Гранд“. По шоуто сними неколку песни, се омажи, а подоцна со сопругот се пресели во Германија.
