Тијана Дапчевиќ не е некој што е познат по естрадни кавги и скандали, но сепак не издржа, а да не го искаже своето разочарување од нејзината колешка Јелена Карлеуша, за која изјавила дека во минатото ѝ била исклучително драга и дека извесен период интензивно се дружеле.
Тијана истакнала дека денес Карлеуша не ја доживува како истата личност. Таа за „Скандал“ одговорила на прашањето што мисли за Јелена, како и за причините зошто повеќе не зборуваат.
„Многу ја сакав. Таа е некој што во еден момент го измисли шоубизнисот, некој што можеше да биде – чао, но сега веќе не може“, изјавила Тијана за „Скандал“, а на прашањето на новинарот зошто, Тијана продолжила:
„Затоа што тоа повеќе не е Јелена што јас ја познавам. Одамна тоа повеќе не е Јелена што ја познавам, и имав прилика да се дружам со неа пред многу години и многу ја сакав“, изјавила Дапчевиќ.
„Пази, многу ја сакав, но мислам дека се случи доктор Џекил и мистер Хајд, немам емоција, навистина немам емоција кон неа“, рекла Тијана, додавајќи дека не би ѝ било проблем некогаш да поразговара со Карлеуша, но дека тоа не е тоа и дека немала емоција.
Јелена Карлеуша ја прокоментира во свој стил изјавата на Дапчевиќ. Очигледно, на Јелена не ѝ се допаднале овие зборови на Тијана.
„Искрено, јас едвај знам која е оваа личност… а камоли дека сум се дружела со неа. Разбирам дека моето име се користи за да се добие наслов во весници, но се пречекори мерката“, напиша Карлеуша на „Фејсбук“.
