Пред 15 години, откако се омажила, ќерка ѝ на Ели Танасковска заминала во Канада.
Познатата македонска водителка сега раскажа детали од животот на нејзиното дете и со какви се’ предизвици се соочувала Симона откако заминала в туѓина.
„Замина одовде со политички студии. Одличен студент беше, сакаше да запише постдипломски, но хендикеп беше што го знаеше италијанскиот јазик, а во Канада никој не бараше италијански јазик. На првиот момент рече: ‘Јас мислам дека скоро ќе се вратам назад, бидејќи многу тешко ми оди’. Се качив на авион и веднаш појдов таму“, се присетува Танасковска во ТВ-магазинот „Животна приказна“.
Симона почнала со работа во мол, но бргу го совладала англискиот јазик и почнала да работи во една од најуспешните банки во Канада. По короната многу работи се смениле и, како што откри Танасковска, нејзината ќерка со сопругот и децата одлучиле да се вратат во Македонија.
„Не беше сама, дојдоа уште неколку брачни двојки коишто сите беа успешни во Канада. Дојдоа и мислам дека не зажалија, а јас бев најсреќна“, вели Танасковска.
