Наде Талевска е едно од најзвучните имиња на домашната оперска сцена, но јавноста ја препознава и како позната поп-пејачка со значајни признанија на македонските фестивали.
Освен на работата, таа е максимално посветена на своите три сина, Максим (12), Михаил (10) и Матео (8).
„Не би била искрена ако кажам дека е лесно да се биде самохрана мајка, но задоволството е неискажливо кога сведочиш на тоа како твоите деца се развиваат во прекрасни и одговорни индивидуи. И се разбира дека сум ѝ неизмерно благодарна на мојата мајка, која е секогаш покрај мене и безрезервно ме поддржува и ми потпомага за сè во животот“, раскажува Талевска во интервјуто за „Слободен печат“.
Таа првпат зборува и за разделбата со сопругот Ненад.
„Изминаа веќе неколку години откако нашите животни патишта се разминаа, меѓутоа неспорен е фактот дека тој е посветен и грижлив татко, кој секогаш е тука како голема поддршка на своите синови“, вели пејачката.
