Јана Стојановска проговори за синот кој е предвремено родено дете со нарушено здравје.
Актерката, пејачка и поранешна мисица поради грижата за него е помалку активна во својата професија.
Здравствената состојба на синот не сака да ја нагласува, но признава дека во последниве шест години не може да си дозволи подолга проба или филмски сет, зашто грижата за Ненад не сака да ја препушти на друг.
Таткото на Ненад, црногорскиот кошаркар Андрија Бојиќ, во моментов игра и живее во Ниш.
„Андрија е одлично, во моментов игра во Ниш, се дружи со Ненад во секоја можна пригода и се сакаат многу“, вели актерката, која со синот живее во Скопје, во разговор за „Слободен печат“.
Нивното дете е родено на 31 август во 2019 во Букурешт, Романија, во седмиот месец, откако сосема неочекувано, два месеца пред терминот за породување, на Јана ѝ пукнал воденикот.
