Православниот Божиќ се празнува три дена, а секој од нив има посебно значење. Првиот ден е самиот Божиќ, вториот е посветен на Пресвета Богородица, додека третиот ден се слави Свети Стефан.
Вториот ден од Божиќ, познат и како Божји или Среден ден, верниците ѝ изразуваат благодарност на Богородица затоа што го родила Исус Христос, спасителот на човештвото. Овој празник се смета за најстар меѓу богородичните празници и се нарекува Собор на Пресвета Богородица, бидејќи народот се собира заедно да ја прослави Дева Марија.
Обичаите налагаат овој ден да се помине свечено, во духот на заедништво, солидарност и милосрдие. Традицијата вели дека се посетуваат кумовите, пријателите, роднините и соседите, а куќите се отворени за гости. Постои и обичај младите жени да одат во родителскиот дом, каде што остануваат неколку дена по Божиќ. Но, постојат и работи што никако не треба да се прават – не извршувајте тешки домашни работи, ништо што подразбира земање игла во раце (шиење), не перете алишта, не чистете ја куќата и не пеглајте. Се верува дека на тој начин се брка среќата од домот.
