Сања Савеска на Божиќ си ја отвори душата.
Водителката на шоуто „Брза кујна“ објави статус кој за еден ден доби неколку стотици лајкови.
„Благодарна сум ти Боже за сѐ што ми даде, како и за сè што тргна од мене, за да ме подготвиш за тоа што следи. Благодарам што ги слушна моите молитви и ме сочува кога мислев дека нема спас. Благодарам за силата што ми ја даваш и што ме учиш на трпение и верба“, напиша таа на социјалните мрежи.
„Благодарна сум за секое ново утро – за гужвата во ходникот кога се пречекувме и испраќаме, за полната трпеза, зафатените столици околу масата и галамата во топлиот дом, за разбирањето и поддршката. Благодарна сум за здравјето, кое често го земаме здраво за готово. Благодарна сум и за лекциите кои ме кршеа, но не ме скршија. За искрените луѓе кои се со мене. Благодарна за овој Божиќ, полн со љубов, топлина и разбирање“, дополни Савеска.
