Иако во текот на богатата кариера го обиколил речиси целиот свет, легендарниот пејач Мирослав Илиќ никогаш не криел дека единствено вистинско прибежиште му е неговото родно село Мрчајевци каде што, како што самиот откри, еден ден ќе биде и погребан.
Како што своевремено раскажа, Мирослав и неговата сопруга Гордана веќе купиле и оградиле гробно место во Мрчајевци, недалеку од местото каде што почиваат неговите родители.
„Со сопругата веќе во Мрчајевци, на гробиштата, оградив парцела. Некои луѓе имаат проблем да зборуваат за ова, јас немам. Во близина на гробовите на мајка ми и татко ми оставив место. Важно беше да биде во Мрчајевци, каде што и припаѓам. Секоја чест за Алејата на заслужни граѓани и сè останато, но јас секогаш ги избирам Мрчајевци“, искрено раскажа пејачот.
На тој начин јасно стави до знаење дека не сака да почива во Алејата на заслужни граѓани, туку таму каде што му се корените и семејството. И во животот, но и во размислувањата за смртта, Мирослав Илиќ е доследен на себе и на традицијата.
Често зборувал дека „крвта секогаш го влечела“ да се врати во Србија, без оглед на успесите и турнеите ширум светот. Во Мрчајевци, на темелите на старата семејна куќа, изградил нов дом од околу 150 квадратни метри, во традиционален српски стил, со голем трем кој го смета за симбол на домаќинскиот живот.
„Тоа не е дворец, како што се пишува, тоа е куќичка. Сакав голем трем, стара српска архитектура. Тоа убаво изгледа и има душа“, раскажа пејачот во една прилика истакнувајќи дека не сака да ги слуша советите од страна.
