Многумина ги мачи истото прашање: Кога треба да ја раскитат новогодишната елка?
Празниците завршија, ама ако таа се’ уште стои во вашиот дом, тогаш ова е важно да го знаете.
Иако традицијата и фенг шуи често се совпаѓаат кога се во прашање новогодишните украси, одговорот на ова прашање не е јасен. Според правилата на фенг шуи, новогодишните украси треба да се отстранат 12 дена по Божиќ, поточно на 19 јануари. Оваа древна уметност советува дека сите предмети што ја „завршиле својата работа“ треба да се отстранат од просторот, вклучително и елката, бидејќи таа припаѓа на минатите празници. Ако ја оставите, тоа значи ментално останување во минатото.
Народната традиција, пак, вели дека елката треба да се чува до 14 јануари, сметајќи дека просторот го исполнува со позитивна енергија. По тој датум, доаѓа време да се подготвиме за Богојавление и да ги отстраниме сите непотребни работи од куќата, вклучително и елката. Се верува дека украсувањето градинарски дрвја во текот на јануари носи успешна жетва.
