Четиригодишно девојче почина по рутинска операција на крајници во Чачак, информираат регионалните медиуми.
Тамошните медиуми јавуваат дека Ема била здраво дете и дека прегледите и лабораториските наоди биле нормални пред и за време на операцијата.
Проблемот настанал при обидот да се разбуди, кога лекарите не успеале да го стабилизираат дишењето. Девојчето било реинтубирано и итно пренесено во Институтот за мајка и дете во Белград каде, за жал, починало.
Граѓани на Чачак синоќа протестираа пред Општата болница. Сања, мајката на девојчето, изјавила дека протестот бил мирен и дека главната цел е да се добијат одговори и да се утврдат одговорните за трагичниот исход.
„Ема беше здраво дете со закажана операција. Не обвинуваме никого, туку бараме вистина за тоа што се случи“, изјавила таа.
