Во новата епизода на „Кафе муабети“ гостинка е Ирена Спасовска.
Познатата пејачка раскажа детали од нејзиното детство во скопската населба Чаир, но откри детали и од нејзиниот приватен живот за кои досега не зборувала во јавноста.
Освен дека е вегетаријанка, малкумина знаат и за нејзината професија како инструкторка за Б. категорија.
Спасовска проговори и за ќерка си Тамара.
„Сега мојата ќерка има веќе 26 години. Апсолвент е на Факултетот за мултимедија и графички дизајн. Веќе работи, така да повеќе не сум самохран родител, туку Тамара сама си заработува, но секако дека јас сум секогаш тука за неа за било што“, вели Ирена.
