На 77-годишна возраст почина театарската, филмска и телевизиска глумица Ленче Делова.
Тажната вест ја потврдија и од нејзината матична куќа-Драмски театар.
„Со длабока тага и неверување ја примивме веста дека почина нашата драга колешка и актерка, Ленче Делова. Нејзиниот талент, топлина и насмевка ќе останат засекогаш во нашите срца и спомени. Театарот загуби уметник, а ние – пријател и прекрасен човек. Почивај во мир. Искрено сочувство до семејството и најблиските“, пишува во соопштението.
Делова се пензионира од театарската сцена во 2013 година. Играше и на филм, но и во многу телевизиски серии како „Чук Чук Стојанче“, „Опстанок“, „Во светот на бајките“ и „Македонски народни приказни“, а за улогата на Офелија во „Хамлет“ ја доби наградата „13 Октомври“.
