Трагично заврши потрагата по Виктор Илиоски кој исчезна во саботата.
Лошата вест ја потврдија и од Министерството за внатрешни работи за порталот „Скопје1“.
Оттаму информираат дека на 16 февруари 2026 година во 16:00 часот во СВР Битола било пријавено дека во кругот на Градската општа болница-Прилеп е пронајден В.И. (40) од Прилеп без знаци на живот.
Повеќе портали пренесоа дека на социјалните мражи се огласила и мајката на Виктор.
„Почина син ми“, биле нејзините зборови напишани на „Фејсбук“.
Претходно се огласи и неговиот татко Драган кој сподели непознати детали од животот на Виктор.
Како што раскажа, Виктор бил зависник и последните месеци бил под терапија, се лекувал и немале никакви проблеми. Ништо не наговестувало дека може да замине некаде без да каже каде оди и да го остави семејството во тешка неизвесност.
Откри и дека Виктор е татко на малолетно дете.
