Тажна вест
Почина Сибела Омерова, меѓу штипјани позната како пожртвувана медицинска сестра.
Омерова пред две години ја обедини Македонија.
За неа се собираа средства за лекување на клиника во Турција.
„Беа организирани голем број на културно-забавни настани, и следуваа апели за помош како од пациенти на кои им помогнала со својата посветеност, така и од лекари кои работеле со неа и ја опишуваа како грижлива медицинска сестра. Тогаш, за само три дена се собраа над 55.000 евра, од потребните 70.000 евра, за операцијата и хемотерапијата и Сибела замина во Турција“, пшишува „Викимедиа“ на својот фејсбук-профил.
Сибела се бореше со канцер, а нејзиниот случај беше првиот за кој се активираше Солидарниот фонд во Општина Штип.
