Познатиот македонски астролог, д-р Зоран Крстевски, пред неколку месеци во подкастот на Стефан Лазаров првпат отворено зборуваше за разводот и за периодот кога станал самохран родител кога неговите ќерки имале три и шест години.
На истата тема тој сега зборуваше и во емисијата „Мамавизија“ каде, како што раскажа, за него не било тешко да се донесе одлуката тој да ги чува децата.
„Кај нас такви беа условите тогаш. И покрај тоа што јас бев без работа, имав повеќе финансиски извори хонорарно и заработував солидно, но живеев под кирија, а поранешната сопруга имаше стан, одлуката да се откажам од алиментацијата и децата да ги земам јас, беше најпаметното решение. Бевме согласни и двајцата со тоа и успеав со помош на мајка ми, други блиски, поддршка од соработници, да ги извадам ќерките на прав пат. Парите се секако важни, но не пресудни“, изјави Крстевски.
