Тажна вест споделија професорите од средното медицинско училиште во Скопје.
Со длабока тага ја примиле веста за смртта на нивната драга колешка, проф. д-р Флореша Села.
Колегите од СМУГС „Д-р Панче Караѓозов“, како што е наведено во објавата, секогаш ќе ја паметат со особена почит по нејзиниот професионализам, посветеност и хуманост.
„Таа остави неизбришлива трага во образованието и воспитувањето на многу генерации, претставувајќи пример за знаење и благородност. Нејзината загуба е голема за нашиот колектив, учениците и целата образовна и здравствена заедница“, пишуваат тие.
Искрено сочувство до семејството Села и до сите блиски.
Нека ѝ е вечен споменот.
