Многумина сметаат дека појадокот е најважниот оброк во денот, иако во последно време се погласни се и мислењата дека луѓето кои го прескокнуваат првиот оброк, за неколку недели значително ја намалуваат тежината и нивниот организам значително се зајакнува.
Кога наутро ќе се разбудиме гладни, знаеме да посегнеме по храна која не е најдобар избор, бидејќи одредени намирници не се добри за консумирање на празен стомак.
Ќе се изненадите, ама нутриционистите велат дека постојано грешиме кога бананите ги јадеме први во денот.
Ако ги внесуваме во организмот на празен стомак, количината на магнезиум во крвта значително ќе се зголеми, што може да биде штетно за срцето.
Тие воопшто не се добра опција за појадок како што сите ние мислиме, затоа што содржат дури 25 отсто шеќери и спаѓаат во умерено кисели намирници. Тие се супер оброк за ужина, но не и како прв оброк во денот.
