Игор Џамбазов повторно ја расположи јавноста, овојпат со изјава која дефинитивно уште долго ќе се прераскажува.
Македонскиот актер и шоумен отворено проговори за разделбата со алпинистката Илина Арсова.
Игор призна дека разликата од речиси 20 години веројатно била пресудна за крајот, но и дека покрај неа почувствувал љубов каква што немал со години.
Потоа водителката го праша дали е подготвен за нова врска, на што Џамбазов одговори дека сè уште верува во зборовите на покојниот дедо, легендарниот актер Петре Прличко, кој често знаел да каже: „Што е наше, само ќе си дојде“.
Игор има и нов, специфичен фоторобот за идната партнерка, која на шега ја нарекува „кандидатка“.
Вели дека овојпат не сака да губи време со школски прибори, па затоа има јасен услов – идната избраничка да биде докторка или аптекарка и да има полнолетни деца. Причината? Му треба медицинско лице за да не ги утне апчињата, дали зеленото наутро или жолтото попладне.
Браво, мајсторе!
