Биљана Бунтеска го загуби животот во тешката сообраќајна несреќа што се случи кај Кавадарци, кога директно се судрија две возила со прилепски регистарски таблички.
Во несреќата загина и прилепскиот бизнисмен Жарко Ристески, сопственик на компанијата за превоз на патници „Роман“, додека трето лице се здоби со тешки телесни повреди и е пренесено на лекување во Скопје.
Трагичната сообраќајна несреќа на експресниот пат Прилеп – Градско, во која животот го загубија Жарко Ристески и Биљана Бунтеска, остави во тага бројни роднини, пријатели и сограѓани.
По веста за трагедијата, на социјалните мрежи се огласи сестрата на Биљана, Катерина Бунтеска, која со емотивна порака се прости од својата сестра, пренесува порталот Њуз 24.
„Почитувани роднини, пријатели и познаници. Трагично ја загубив мојата сестра Биљана Бунтеска. Почивај во мир сестро моја и прати ми сила од таму горе да го издржиме твоето заминување. Непребол мој“, напиша таа.
Ден претходно, Катерина сподели и фотографија од својата сестра, придружена со зборовите:
„Почивај во мир, мој прекрасен ангел. Ми го скрши срцето на парчиња“.
