Нови детали излегоа на виделина од тешката несреќа што се случи во Поградец.
На патната оска „Поградец-Ќафасан“, како последица на судир на две возила животот го загуби 26-годишна девојка од Македонија.
Жртвата е идентификувана како Елмедина Љога, која била патничка во едно од возилата вклучени во несреќата, пренесува Њуз24.
Повредени се и двајцата возачи, како и уште двајца патници кои се наоѓале во двете возила.
Сите повредени се пренесени во болница, каде што им е укажана лекарска помош. Според информациите на албанските медиуми, нивната состојба е стабилна и тие се надвор од животна опасност.
На местото на несреќата извршен е увид, а истражните органи работат на утврдување на причините и околностите под кои дошло до трагичниот судир.
Загинатата Елмедина Љога
