Популарната инфлуенсерка Емили Кисер објави дека повторно е бремена, само неколку месеци по семејната трагедија во која го загуби својот тригодишен син Триг.
Радосната вест ја сподели со следбениците на социјалните мрежи, опишувајќи ја новата бременост како „светлина по најтешкиот период во нивните животи“.
Во емотивната објава, Емили напиша дека таа и нејзиниот сопруг Брејди се неизмерно благодарни што повторно ќе станат родители. Таа призна дека болката по загубата никогаш нема целосно да исчезне, но дека новото бебе им донело надеж и сила да продолжат понатаму.
Трагедија што ја потресе јавноста
Нивниот тригодишен син Триг почина во мај 2025 година, откако се удави во базенот на семејниот дом во Аризона. Несреќата предизвика големо внимание во јавноста, а беше спроведена и истрага за околностите под кои дошло до трагедијата.
Според претходно објавените информации, во моментот на несреќата Брејди Кисер бил во куќата и гледал НБА натпревар, поради што случајот предизвика бројни реакции на социјалните мрежи. Сепак, обвинителството подоцна соопшти дека нема доволно докази за покренување обвинение против него.
„Му простив“
По трагедијата, Емили отворено зборуваше за процесот на тагување и за тоа како семејството се обидува да продолжи со животот. Во едно од своите обраќања истакна дека, и покрај сè што се случило, му простила на сопругот и дека нивната љубов останала силна и покрај огромната загуба.
Таа нагласи дека не сака трагедијата да биде единственото по што луѓето ќе го паметат нивното семејство, туку се надева дека новото поглавје ќе им донесе мир и можност повторно да најдат радост во секојдневниот живот.
Нов почеток
Иако признава дека ништо не може да ја надомести загубата на нивниот син, инфлуенсерката вели дека со нетрпение го очекуваат доаѓањето на новото бебе. Во својата порака им се заблагодари на сите што им пружиле поддршка во најтешките моменти и порача дека семејството чекор по чекор се обидува повторно да изгради среќен живот.
