Не стивнуваат реакциите во јавноста по ненадејната смрт на познатата инфлуенсерка и блогерка Кристина Ковачевиќ Хитрец, авторка на „Мамин блог“ и мајка на шест деца.
Повеќе регионални медиуми јавија дека таа си го одзела животот, а причината за нејзиното самоубиство наводно биле негативните коментари кои постојано ги добивала онлајн.
По трагедијата се огласија и многу познати личности, меќу кои и најпознатата македонска инфлуенсерка Миа Костова.
„Оваа жена како една од попознатите мајки во Хрватска со свој познат блог на Фејсбук е мајка на шест деца. Рипнала под воз и си го одземала животот. Многу често луѓето кои личат храбри не се, па затоа твојот коментар понекогаш може да е капак за некој да заврши вака. Не! Нема оправдување за тоа што си дебил во коментари, никој не е должен да те чита. Затоа, засекогаш ќе ги објавувам со лице име и презиме. Широко небо Кристина“, напиша Костова на инстаграм-стори.
