Македонија е вистински расадник на музички таленти, а потврда за тоа е и 18-годишната Мелиса Зијадиќ која се пласира во финалето на „Ѕвездите на Гранд“.
Мелиса е родена на 24 август 2005 година во Прилеп, а со семејството живее во селото Лажани од каде што потекнува и Јашар Ахмедовски.
Пее од своја 11-годишна возраст, а особено ѝ лежи народната музика. Идол ѝ е Драгана Мирковиќ и обожува да ги пее нејзините песни.
Моментално завршува средно фризерско училиште.
Нејзиното момче често ја придружуваше на снимањата на „Ѕвездите на Гранд“ и ѝ дава безрезервна поддршка, исто како и родителите.
„Тој секогаш ме фали. Ми помага многу околу изборот на песни, па на крај заедно пресекуваме што е најдобро“, изјави во една прилика.