Мелиса Зиајдиќ блесна во последната сезона на регионалното музичко натпреварување „Ѕвездите на Гранд“.
Иако не победи, 18-годишната македонска пејачка од прилепското село Лажани ги освои симпатиите на публиката со својот талент, но и со скромноста која ја покажа за време на шоуто.
Нејзиното момче често ја придружуваше на снимањата на „Ѕвездите на Гранд“ и ѝ даваше безрезервна поддршка, исто како и родителите.
Мелиса и самата се пофали во едно интервју дека тој ѝ помага многу околу изборот на песни, па на крај заедно пресекуваат што е најдобро.
На социјалните мрежи сега се појавија фотографии на кои таа е во венчаница, па многумина се запрашаа дали таа е подготвена да застане пред олтар.
Зијадиќ позира во неколку невестински фустани, па колегите од „Гранд“ веднаш се запрашаа дали таа планира да заплива и во манекенските води или навистина се подготвува за голема веселба.