Празникот Духовден секогаш се слави 50 дена по Велигден и десеттиот ден по Спасовден.
Црквениот празник посветен на слегувањето на Светиот Дух на апостолите е еден од најголемите празници кои Македонската православна црква ги одбележува.
За многумина е трет празник по значајност, по Божик и христовото воскресение и според народните верувања, во текот на наредните три дена не треба да се одржуваат било какви домашни прослави, како свадби и крштевки.
Во некои делови од земјава се верува дека во водата владеат некои лоши сили, па во наредните три дена не е препорачливо капење во реките.
Исто така, во наредните три дена не треба да се практикуваат тешки физички работи, но и шиење, плетење и слични „женски“ активности.