Реномираниот српски инфектолог Мијомир Пелемиш порачува дека пандемијата на коронавирус ќе заврши на два начина. Или ќе исчезне, што за него е помалку веројатно, или само со имунизација на населението.
Тој смета дека колективниот имунитет не помага и според него тоа не може да биде спас од пандемијата која веќе пет месеци го парализира светот.
– Пневмониите кај пациентите се сѐ потешки и многу повеќе пациенти се на респиратори. Повеќе од јасно е зошто има толку многу заразени и тоа со тешки форми на болеста. Многу време и без никаква заштита се собираат насекаде. Имаме пациенти со најтешки пневмонии кои немаат историја на други болести – вели д-р Пелемиш.
