Почина Небојша Трпковски (42), директорот на државното средно училиште „Моша Пијаде“ во Тетово.
„Со огромно жалење ја објавуваме веста за прераната смрт на нашиот ценет и почитуван директор. Изгубивме голем човек. Нека почива во мир“, објавија од училиштето кое токму во мандатот на Трпковски беше преминувано во регионален центар за стручно образование и обука.
Од него се простија и неговите блиски соработници и пријатели од ЛК на СДММ.
„Да знаевме дека празната рамка на нашиот ѕид ќе биде за тебе Неше, одамна ќе ја откачевме и ќе ја фрлевме далеку. Ти си наш најдобар пријател и поддржувач. Секогаш ќе те сакаме!“, стои во нивното обраќање.
* Текстот не смее да биде превземан без дозвола на редакцијата на МАСТИЛО.