Здружението на медицински сестри, техничари, акушерки и стоматолошки сестри се прости од својата 28-годишна колешка од Кичево која почина од компликации на Ковид-19.
Станува збор за дипломираната медицинска сестра Мирлинда Азизи.
По заразувањето на работното место таа не успеа да го дочека признавањето на високата школа, стои на официјалната страница на здружението ЗА НАС.
„Трагичниот настан остава длабока трага во сите нас, особено во нашата сестринска фела потсетувајќи не’ на сите ризици со кои се соочуваме секојдневно одговарајќи на нашите работни задачи. Почивај во мир драг Ангелу“, напишаа нејзините колеги.
*Текстот не смее да биде превземан без дозвола на редакцијата на МАСТИЛО.